قد نمر بلحظات نشعر كانها لو نهاية العالم.....فراق حبيب , خيانة صديق , موت عزيز
انا لا اعتبر هذه قصة على قدر ما اعتبرها فكرة لنجعل من اي لحظة حزن بداية جديدة
بداية جديدة
______

غاب القمر عن سماء تلك الليلة الباردة, كانت تسير بخطوات سريعة تضم معطفها بقوة لتختبئ من تلك العاصفة التي رجفت بجسدها الضئيل وقلبها الجريح . تسقط عليها قطرات الامطار وتُسقط على الارض قطرات الدموع.
وصلت منزلها وخلعت معطفها الذي لم يحول عنها الشعور بالبرد, جلست تعيد احداث تلك الليلة المؤلمة والكلمات القاسية التي جرحتها...شعرت بالبرد مرة اخرى فأوقدت المدفأة.
احضرت صندوقا خشبيا , اخرجت منه صور واوراق ووردات ذابلة....لم تشعر بيدها وهي تلقي بهذه الاشياء بين حطب المدفأة.
لم تحتمل رؤية احتراق ذكرياتها والتي اصبحت رماد في لحظات..
القت بجسدها الهزيل على السريروشقت من الدموع انهارا على وسادتها, انهكها البكاء كثيرا حتى ذهبت في سبات عميق.
استقيظت على صوت آذان الفجر....نظرت الى المرآة وانزعجت لملامحها الذابلة ووجهها الشاحب وعينيها الحمراوتين . تألمت كثيرا لما فعلته في نفسها.
نظرت الي التقويم المعلق ونزعت ورقة الامس ...وقفت في النافذة تتأمل بصيص نور الشمس وتسمع صوت العصافير ...قطعت ورقة التقويم الي وريقات صغيرة وابتسمت وهي تراها تتطاير في الهواء.
"فلتكن هذه اللحظة بداية جديدة "
هناك 41 تعليقًا:
هييييييييه اول تعليق
ثوانى وجايه
شوف ياقمرى
اولا الاسلوب حلو ورقيق زى عادتك وكلماتك معبره قوى صورتيل شكلا بالمها وتعبها وابتسامه الانكسار بتاعتها
حلو الامل يابلو وحلو اننا ننسى الالم وندور على حاجه حلوة تسعدنا ويبقى عندنا امل
لكن يمكن هى حفزت نفسها واوهمت نفسها انها نسيت
لكن الحقيقه هى بس بتعدى الازمه وبتدى نفسها امل ف بكره علشان تقدر تعيش
بس
تحياتى ياقمرى
ممممممم قلبها الجريح تسقط عليه قطرات الامطار
تعبير وجعني اوي اوي اوي
بوست جميل وفيه ارار وامل في بكره لكن الامل مخلوط بجرح عميق
تحياتي ليكي
والبت حبيبه دي اخدت اول تعليق عااااااااااا
مخمصاها بس هه
حلوة اوي يا بلو
حياتنا سلسلة من النهايات والبدايات وكل نهاية هي بداية جديدة مش ينفع نقف عند مرحلة
عجبني اوي وصفك في الاول لحالتها
ووصفك في النهاية لاستقبالها ليوم جديد وبداية جديدة وجرعه التفاؤل والامل اللي اديتهالنا
حاسة ان القصة دي بدية جديدة في اسلوبك القصصي يا بلو
بجد عجبتني
ازيك يا دكتوره
جميله اوي فلسفتك دي
تسلمي من كل حزن
انا نفسي انا وانتي وسنو والناس اللي بتكتب بالفصحى نعمل زي مجمع لينا
مدونه موحده
وكلنا بالفصحى
عشان نحافظ عليها
شكرا ليكي
دقيقتين واحطك عندي في القائمه
بداية جديدة ى يوم جديد،
كتيييير مننا بيتولد من اول وجديد،
ويعيش ايامه مع حلم جديد،
دمتى مبدعة،
تحياتى لك.
يا ريت نقدر كلنا نتبع كلماتك ونبدأ بدايه جديده اخرى
حياتنا بقت زى صفحه كتبنا فيها وشخبطنا .. نعم ليها تاريخها وجمالها بس لم تعد تحتمل شخطبات اخرى
عارفه اجمل شيء في التدوين ايه اننا لو فقدنا الأمل يظهر بصيص نور فى مدونة شخص اخر .. ونعتمد عليه ويكون حافز لينا لمعاودة الأحتمال والمواصله
ادام الله قلمك متفائل ومبدع كالعاده
خالص ودى وتقديرى
حلوه اوى
بس ساعات مش بنحزن على اللى راح اكتر ما بنحزن على نفسنا و احلامنا اللى ماتت
كان جزء منك بيموت
نهايتها حلوه بجد
الامل اهم حاجه
تحياتى
سلامات
وليه نقلب علينا المواجع
بهاء
بداية اعجبني اوي تصويرك لهذا المشهد القصصي يا بلو, ورغم قصر القصه الا ان استمتعت باسلوب كتابتك فيه ..
ربما بطلة القصه فعلا وجدت املا جديدا وطويت صفحة الاحزان والذكريات الاليمه , وربما هي فقط توهم نفسها بذلك , الايام وحدها هي الكفيله بتاكيد هل هي بدأت بداية جديده حقا ام لا
ايه الجمال ده؟؟؟؟؟؟؟؟؟؟؟؟
بجد الاسلوب والقصه في حد ذاتها جميله اوووووى
لكن عندى شئ عاوزه اقوله ان لا يمكن تكون لحظه البدايه الجديده بهذه السرعه
فالجرح ما زال ينزف وترى ذلك في ملامحها
يمكن ان تكون لحظه بدايه للنسيان وللكن ليست النهايه للجرح....
تقبلي كلامى ومرورى
تحياتى على ابداعك
سلام يا قمررررررررر
اللللللللللللللللله
ما احوجنا الى بدايات جديدة كتلك
ما شاء الله الفكرة رائعة وقدرتي توصليها بكلمات رائقة .. لتكن كل لحظة انكسار بداية جديد ..بدلا أن نتوقف لنبكي نجعلها لحظة ميلاد جديد
حلو جدا
بس فية شوية تعبيرات تحفة
زى
تسقط عليها قطرات الامطار وتُسقط على الارض قطرات الدموع.
حسيت كدة ان قطرات المطر لما كانت بتسقط عليها كانت بتالمها بتنزل دموعها دون ان تشعر فمن شدة حزنها اصبح جسدها ضعيف لدرجة انة يشعر بقطرات المطر كاسيوف تدخل فى جسدها
قطعت ورقة التقويم الي وريقات صغيرة وابتسمت وهي تراها تتطاير في الهواء.
دة بردة عجبنى جدا ازاى حاولت تمزق هذة الذكرى المولمة وتحولها الى اجزاء متطايرة تبتعد عنها وهى تراها
لكن حسيت ان دة كان امل مزيف لها فمن الصعب ان تمحو احزانك وجراحك بهذة السرعة
بس جميل اوى التفائل اللى موجود والنصيحة اللى تقصديها
جميلة جدا يا بلو
كانت قبل البداية حالتها صعبة جدا
بس بعد الامل الجديد
اكيد هيبقى فى حياة جديدة
جميييييييييييلة جداً
و والله عجبتنى قوى
بالتوفيق ان شاء الله
و على فكرة انتى ليكى عندى تاج
ابقى تعالى خديه
سلام
كلماتك جميلة أوي ومعبرة
لازم نتخطي العقبات ونرميها ورا ظهرنا علشان نكمل
هي دي الحياه
تحياتي
ياليت كل النهايات بهذه البساطه :):)
لما جرح احد
ولأحرقنا كل الذكريات
حالمه جدا ومتفائلة
جميل احساسك
احتراماتي
من رحم الضيق تنفرج الاسارير
لما نروح لبعيد
ممكن نقرب تانى
نعمل زوم
نلاقى فكر تانى
لما نحب
ساعات ننسى بعض الامانى
اول امنيه
توفيق من خلق
التانيه
عدم الانانيه
الثالثه
لكل حزن
اكيد فيه بسمه ولون و فرحة
الرابعة
مش كل الحصى يبنى جبل
الخامسة
الامل سر الوجود
خليه دايما موجود
ودى رسالة رب موجود
فر منه اليه
اشكرك على النور الذى اتى بالسرور
مع تحفظى على نثر الذكريات فى نار
تتمنى وتقول دائما هات
حبيبة
ميرسي يا قمر على كلامك الرقيق
بالنسبة بقى لحكاية انها نسيت اكيد مش هتنسى في يوم وليلة بس اكيد موقفها خطوة في طريق النسيان
كيارا
ميرسي لرايك في البوست ومتزعليش عشان حبيبة ردت الاول عوضيها البوست الجاي
سنووايت
ميرسي يا سنو ربنا يخليكي
اكيد الحياة بتستمر ومش هنقف عند نقطة معينة
dr hamood
ميرسي يا دكتور على تعليقك
والله انا اتمنى اشاركك في مشروعك ده
انوي انت وهتلاقيني اول واحدة معاك
رؤية
منوراني في اول زيارة
(كتيييير مننا بيتولد من اول وجديد،
ويعيش ايامه مع حلم جديد،)
اكيد في لحظات بتمر علينا نحس فيها كده
ميرسي لتعليقك
نور شاهين
انا بتمنى فعلا ان يكون في امل في كلامي لاي حد حاسس بحزن
وفعلا حياتنا مش محتاجة شخبطة تاني
ميرسي يا نور ربنا يخليكي
magnolia
عندك حق اننا بنزعل على نفسنا
وانا ذكرت في القصة انها زعلت على نفسها بس اهم حاجة الامل في بكرة
منوراني دايما
bob
مش بقلب مواجع والله
بس احيانا بنبقى عايزين حد يدفعنا
منورني يا بهاء
الفارس الملثم
بشكرك على رايك في اسلوب القصة وانا دايما بهتم اعرف رايك في القصص
هي قصيرة عشان احداثها ليلة واحدة وموقف واحد
البطلة بقى اكيد منسيتش بس بتدي نفسها امل في بكرة وهي زعلت على الحالة اللي وصلتلها واكيد صعبت عليها نفسها
saso
ميرسي على كلامك الحلو ده
اكيد هي بداية للنسيان
انها فاقت لنفسها ومش عايزة تعيش في الحالة دي كتير
ففعلا هي بداية جديدة
منوراني دايما
blue wave
ميرسي لتعليقك يا دكتور
اكيد كلنا بنحتاج نبدا من جديد في لحظات الضيق والحزن
منورني دايما
حبيب
ميرسي جدا ربنا يخليك
رايك تمام جدا وهو ده اللي عايزة اقوله
مش هنستفيد حاجة لما نبكي عاللبن المسكوب
dream man
دايما بتختار صور جميلة بكون اقصد بيها فعلا حاجات وانت بتفهمني كويس جدا
حكاية السرعة دي مقصدش منها غير انها مش هتقف عند النقطة دي وهتعتبر حياتها من بعد كده بداية جديدة
self meaning
اكيد حالتها هي اللي ولدت جواها انها تبدا من جديد
منوراني دايما
مهيج الجماهير
ميرسي جدا ربنا يخليك
مبسوطة انها عجبتك
ميرسي كمان عالواجب (تاني ؟؟تاني يا خالد ماشي)
منورني
ايمان
ميرسي لتعليقك يا ايمي
اكيد لازم نرني ورانا ونبص لقدام
اكيد مستنينا الاحلى
بنت الماضي
منوراني في اول زيارة
هي النهاية بسيطة لو فعلا اقتنعنا بالامل في اللي جاي انه هيبقى احلى من اللي راح
ميرسي لتعليقك الجميل
abo ali
انا اللي بشكرك عالكلام الجميل ده
بحب تعليقاتك المتميزة جدا
الامل سر الوجود
خليه دايما موجود
ودى رسالة رب موجود
روعة بجد
تحياتي ومنورني دايما
هاى
من حكمة ربنا ان مفيش حزن للابد يعنى مهما الحزن طول ليه نهاية عشان الحياة تمشى
والا كان الانسان كان مات من كتر الحزن
تحياتى
السلام عليكم ورحمة الله وبركاته
ازيك يا بلو
يارب تكونى بالف خير
حبيت اجى ازور للمره الاخيره
يارب تفتكرينى بالخير
تحياتى لاختى الكريمه
gameela awy we mo3abera fekretha la 7ayat ma3a el ya2s wala ya2s ma3a el 7ayah
موهبة رائعة واسلوب جميل جدا استمري , وبجد نفسي اعرف ايه اللي بيجمع الطب مع المواهب الجميلة دي لاحظتها كتير مع اصدقاء ليا في طب وشعراء
سبحان الله ..
إرسال تعليق