الأربعاء، 15 أكتوبر، 2008

اجازة

ازيكو عاملين ايه
وحشتوني بجد والمدونة وحشتني
بشكر كل اللي رد في الموضوع اللي فات
وبشكر كل اللي عيد عليا وكل اللي سال عليا بجد ميرسي جدا جدا

مش قادرة اقولكو الفترة اللي فاتت كانت صعبة ازاي واللي جاي اصعب
لاني بذاكر عشان امتحاناتي اخر نوفمبر ان شاء الله يعني كلها شهرين واتخرج وافضالكو

للاسف مفيش دماغ اقعد اكتب وادون لان صاحب بالين كداب
ياما هنزل بوست ميتقريش ياما مش هذاكر
عشان كده انا مضطرة اخد اجازة عقبال ما اخلص بس ربنا يسهل واقدر اتابعكو حتى

الفترة دي حاسة باحاسيس غريبة
فرحة عشان هخلص واتخرج وزعل عشان انا بحب الكلية
وحاجات تاني كتير هبقى اصدعكو بيها بعدين

عايزاكو تدعولي عشان انا ساعة الامتحانات ببقى قلق قلق يعني وعياط بقى وبهدلة(المفروض كبرت عالكلام ده بس مفيش فايدة)

انتظروني وان شاء الله اتابعكو
سلام

هناك 28 تعليقًا:

الفارس الملثم يقول...

ربنا يعينك ويوفقك يا بلو , وترجعي ان شاء الله في اقرب وقت ممكن لمدونتك

تحياتي

Eman يقول...

وأخيرا عادت بلو ، لتمهد اختفاءها من جديد :)

ربنا معاكي ، ويوفقك في امتحناتك يا جميلة

علي فكرة احساس انك فرحانة علشان هتخلصي وزعلانة علشان بتحبي الكلية ده

أنا كمان بجد حاساه ، السنة دي آخر سنة :'(

يالا ، شدي حيلك وارجعلنا

nour shahen يقول...

ربنا يقويكى يا رب
والمذاكره أهم من التدوين بكتير
الله يعينك عليها ويوفقك
ومتفكريش دلوقتى انك هتفتقدى الكليه
انتى بتحبيها علشان كل الناس اللي حبتيهم فيها
وبكدا تقدرى تتواصلى معاهم بعد الانتهاء منها بأذن الله
يمكن مش هيكون لقاء كبير زي زمان بس هتدخلى بكدا عالم تانى هتنشغلى فيه اكتر , لدرجة انك ممكن تحسى انك انتى اللي مقصره
ومحدش عارف بكره فى ايه ممكن يكون الشغل ليكى أحب من أيام الدراسه

خدي بالك من نفسك
والحمدلله اننا اطمنا عليكى وهندعيلك فى كل وقت ان ربنا يوفقك ويحفظك

هننتظر أخبار مفرحه وحاجه ساقعه او سخنه اللي يجى منك كله كويس

عالم حبيب يقول...

ربنا يوفقك .. وان شاء الله تتخرجي وتبدأي حياتك العملية على خير ان شاء الله


نشوفك على خير ان شاء الله ومعاكي الشهادة وانتي طالعة الأولى على الكلية :)

saso يقول...

يارب تنجح يا تتح

ههههههههه

يا قمر وحشانى جدااااااااا غيبتك طولت وللاسف لسه كمان شويه

هنستنى حواديتك وربنا يوفقك في امتحاناتك

وخليكي هاديه ف الوقت ده عشان عدم التوتر بيكون افضل باذن الله

تحياتى ليكي وبووووووووووسه كبيره

بنت الماضي يقول...

ربنا معاكي ويعينك وان شاء الله نجاح بتفوق
وربنا يرزقك هدوء الاعصاب لانه مفيد اوي في الامتحانات :)

شهد الكلمات يقول...

مستنينك علي احر من الجمر

د. محمد رضــــا .. هل تراني يقول...

بالتوفيق يا دكتوره يارب

منتظرك

قلبي معاكي

كيارا يقول...

طبعا ياقمر المهم المزاكره وخلي بالك منها

وربنا يوفقك في امتحاناتك

عاوزه تقدير انا بقول اهو والا بقي هخاصمك

blue-wave يقول...

ربنا معاكى يارب

نور الدين يقول...

عزيزتى
تحياتى لك اولا
واسأل الله ان يكتب لك التوفيق
وانك ترجعى لنا سريعا

ربنا يكرمك فى كل خطاك ويجعل لك كل صعب سهلا ميسورا
تحياتى

..............
نور الدين محمود

Selfmeaning يقول...

ربنا يوفقك يا جميلة

و ان شاء الله هنستنى اول بوست بعد امتحاناتك

و ربنا معاكى و معانا كلنا

Dream Man يقول...

اه امتحانات وبهدلة صحيح يا بلو
ربنا يستر ونخلص على خير
بس فعلا الواحد مش عارف هو مبسوط ولا زعلان انة حيخلص
هو مجرد حاسس انة داخل على مرحلة جديدة اكيد خايف منها
لانة مش عارف يا ترى حتبقى اية
بس لا يا بلو عياط وبتاع اية لزم تبقى قوية كدة طظ فى الامتحانات صحتك اهم يا بنتى
اينعم انا قاعد بشد فى شعرى بس بردة
يلا الايام حتعدى بسرعة وندخل نرد على موضوعك اللى جى اللى حيبقى اسمة بقى اخيرا اتخرجت باذن الله

ذو الوجه المبتسم يقول...

حمد لله على سلامتك

وان شاء الله ترجعى لنا بالسلامة بعد الامنتحانات
تمنياتى لك بالتوفيق والنجاح

تقبلى تحياتى

نور الدين يقول...

لسه الاجازة مخلصتش ولا ايه يااستاذة
كدة طتير نحب مطمن عليكى
تحياتى
نور الدين محمود

نور الدين يقول...

ازيك اخبارك ايه
كل سنة وانت طيبة
مش ملاحظة ان الاجازة طولت جدا يا استاذة
نحب نطمئن عليكى قريب ان شاء الله

نور الدين

د. محمد رضــــا .. هل تراني يقول...

عيد سعيد عليك يا دكتوره ان شاء الله

Eman يقول...

عيييييييييييييييد سعييييييييد

كل سنة وانتي طيبة

habiba يقول...

كل سنه وانت طيب يابنتى يامختفيه يالل مش عايزه تخرجى من القوقعه
وعد سعيد عليكى ياجميله
ربنا معاكى يارب :)

Lady E يقول...

ربنا يوفقك ويوفقني ويوفق كل اللي بيمتحنوا ومبروك على التخرج مقدما

كيــــــــــــارا يقول...

كل دي غيبيبه

مش ناويه ترجعى ولا ايه

غروب يقول...

ايه يا قمر؟؟؟؟؟؟؟

فينك

وحشتينى جداااااااااااااااااااااا والله

ربنا يرجعك بالسلامه

momken يقول...

كل دى اجازة

كتير اوى اوى كده


تحياتى

Medus يقول...

طال الغياب والاجازة دي وخداكي منا وحشتينا ووحشتنا تعليقاتك وكتاباتك ياريت ترجعي بسرعة
تحياتي والى الامام

オテモヤン يقول...

オナニー
逆援助
SEX
フェラチオ
ソープ
逆援助
出張ホスト
手コキ
おっぱい
フェラチオ
中出し
セックス
デリヘル
包茎
逆援
性欲

غير معرف يقول...

أردت فقط أن أدلي بتعليق سريع لأقول أنا سعيد لاني وجدت بلوق الخاص بك. شكرا

nour shahen يقول...

فاتت سنين يا ترا ليه مقاطعه مدونتك
يا رب تكونى بخير


قرب رمضان فكرنى بناس يهمونى قولت اهنيهم قبل ما يسبقونى .. رمضان كريم

نـــــــــــــور يقول...

واضح انك لما اتخرجتى وبقيتى دكتوره كبيره نسيتى صحابك القدام واتغريتى على بلوجر ياصديقى البلوجرية القديمه !

ياترى ممكن تبقى لسه فاكرانى؟
طب ياترى ممكن ترجعى تدونى تانى انتى واحمد؟!

بتمنى تكونى بخير :)